Körpənizin kifayət qədər ana südü aldığını necə bilmək olar?

Ana südü əvəzedilməz bir nemətdir. Heç bir süni qida ana südü qədər zəngin ola bilməz. Körpənizin doyub-doymadığını inkşafını və bezlərini izləyərək anlaya bilərsiz. Az əmməsi, çox əmməsi, döşlərin yumşalmış olması, tez-tez və ya seyrək əmməsi, qusması südünüzün miqdarı haqqında məlumat verməz.
Südünüzün yetərli olub olmadığını bilməyinizin 3 yolu var
1. Körpə ayda 500-900 qr çəki alırsa
2. Gündə 5-6 ədəd yumurta ağırlığında sidikli bez alırsınızsa
3. Böyük bayıra normal getmək. Doğumdan sonra ilk günlər stulun rəngi tünd olur. Uşaq normal əmirsə stulun rəngi sarırdır, körpə gün ərzində 3-4 dəfə böyük bayıra çıxmalıdır (3-6 həftəsinə qədər )daha sonra stul 1 dəfəyə qədər azalır.
Körpəniz xoşbəxtsə gülümsəyirsə südünüz yetərlidir.
"Bir körpə gündə 500 ml. ana südü qəbul etməlidir "- deyə bir qayda yoxdur. Elmi olaraq əmizdirilən körpələr üçün " bu qədər ml. ana südü verilməlidir "deyə bir qayda yoxdur. Əmizdirmək ana ilə körpə arasında bir bağır. Körpə acar, ana döş verər. Çox ehtiyacı varsa körpə çox əmər, az ehtiyacı varsa körpə az əmər. Körpələr istədikləri zaman istədikləri qədər əmizdirildikdə öz ehtiyaclarına görə qidalanmış olarlar.