Hamiləliyin ilk əlamətləri
* Menstruasiya gecikməsi. Ən vacib göstəricidir. Ancaq hər aybaşı gecikməsi hamiləlik demək deyil. Müxtəlif xəstəliklər, dieta, psixoloji vəziyyət, stress faktoru, iqlim dəyişkənliyi, səyahət kimi çox faktorlar aybaşı gecikməsinə səbəb ola bilər.
* Süd vəzilərində dolğunluq və hissiyatın artması. Laktasiya önü bir çox xanımlar belə vəziyyətlə qarşılaşırlar. Dəqiq hamiləlik əlaməti deyil.
* Halsızlıq, yorğunluq yuxu istəyi.
* Qoxulara qarşı həssaslıq, əksər qoxuları hamıdan öncə hiss edərlər.
* Psixoloji həssaslıq –aşırı küsəyənlik, inciklik, kövrəklik.
* Bulantı və qusma. Hamiləliyin bu əlaməti hamıda olmaya da bilər.
* Tez-tez sidiyə getmə.
* Qarında böyümə-ilk həftələrdə ödəmə bağlı şişkinlik olur. Hamiləliyin12-ci həftəsindən sonra qarına doğru böyümə başlayır.
Yuxarıda sadalanan hamiləliyin ilk əlamətləri yalnız şübhə yaradır. Əmin olmaq üçün sidikdə və ya qanda hamiləlik təyini olunmalıdır. Menstruasiya 2 gün belə geciksə qanda hamiləliyin təyin olunması mümkündür. Testlə dəqiqləşən hamiləliyin normal uşaqlıqda inkşaf etməsindən əmin olmaq üçün 4-5 həftədə USM olunmalıdır. Ultrasəs cihazının imkanlarından asılı olaraq 5-6 həftələrdə ürək döyüntü təyin oluna bilər.
